Мордовиянь национальной радиось Мордовиянь национальнай радиось

Саранск:0°

вечером: 0° завтра: 0°



Литературась марстоптсыне нароттнень

Казаньца, 9-12 декабрьста ётась народъётконь фестиваль Россиянь и тюркоязычнай масторхнень литератураснон коряс. Ётась сон васенцеда, но организаторхне ёрайхть поладомс тяфтама пялькстомать и сяда товолдонь кизотнень.

Од ломатть эсь национальнай щамсост сашендсть эрь кодама аймакста: Башкортостан, Якутия, Чувашия, Коми, Узбекистан, Бурития, Мордовия и стак тов. Марнек пялькстыда 150 маласа.

Минцень мокшэрзянь масторстонк якась 15 ломань, ётксост школаса, колледжса тонафнихть, а тяфта же студетт МГПИ-ста и МГУ-ста. Пяк павазуван, мес университетть и эсь филологиянь факультетозень няфтема якань монцьке.

Пялькстомась ётнесь кафта этапса. Васенце шить минь ётафтоме эсь родной кяльстонк рузоннес прозаическяй и поэтическяй произведеният. А омбоце этапсь- няфтеськ эсь кудонь тевоньконь. А куду максфоль тиемс буктрейлер. Тя од жанрась сувась аф кунара. Эрявсь видео вельде сембонди няфтемс эсь кельгома книгацень.

Тяфта, Мордовиясь сявсь вете призовой вастт. Казнетне сатовсть: Козлова Наташати, Кинякина Юляти, Бурнаева Катяти, Анисимова Аняти и Оксана Белкинати. Ёран азомс сюкпря фестивалень аноклайхненди. Катк народонь тяфтама марстомоматне ётнихть сяда сиденяста!

Тов

Другие новости

Атяшевась и Краснослободскяйсь получайхть 5 млн цалковай кинозалонди

Мордовиянь кафта аймакне сяськсть кинозалонь тиемань пялькстомать эса. Конкурссь тифоль отечественнай кинематографиянь федеральнай фондть лезксонц вельде. Ярмакт кинозалонь петема получайхть ...

Ульяновскяй аймакса ули мокшэрзянь фестиваль

16 июньцта Ульяновскяй аймакса ётай «Масторавань морот» мокшэрзянь фестиваль. Кивать велеса специально тя илати строяф мялень салай васта – «национальнай мокшэрзянь ...